Blásaradeild, málm og tréblásturshljóðfæri:
Undir málmblásturshljóðfæri falla t.d. trompet, kornett, básúna, horn, baritonhorn og túba og á öll þessi hljóðfæri er kennt í TOSKA.
Í flokk tréblásturshljóðfæra falla t.d. þverflauta, klarinett og saxófónn og á þau er einnig kennt í TOSKA.
Yfirleitt er hægt að hefja nám á níunda aldursári. Í upphafi náms er lögð áhersla á að nemendur læri að beita líkamanum á áreynslulausan hátt og á rétta öndun. Nemendur læra grunnatriði í tónfræði, tónheyrn, nótnalestri og hrynþjálfun. Námið fer fram í einkatímum en einnig er lögð áhersla á að nemendur taki þátt í fjölbreyttu samspili.
Á öll ofnagreind hljóðfæri geta nemendur tekið grunn mið og framhaldspróf samkvæmt Aðalnámsskrá tónlistarskóla. Nemendur geta leigt hljóðfæri frá skólanum fyrstu þrjú árin.Ýmsir samspilshópar eru starfræktir í tenglum við nám í blásaradeild.
Hljómborðshljóðfæri:
Kennt er er á hljómborðshljóðfæri samkvæmt Aðalnámsskrá tónlistarskóla gefin út af Menntamálaráðuneytinu 2002. Námið skiptist í 3 hluta: grunnpróf, miðpróf og framhaldspróf. Þessi próf fara fyrir prófanefnd tónlistarskólanna. Einnig höfum við áfangapróf innan skólans : G1, G2 og M1.
Boðið er upp á kennslu á píanó, hljómborð og harmonikku. Æskilegt er að nemendur hafi viðunandi hljóðfæri til æfinga heima hjá sér. Hægt er að leigja harmonikkur fyrstu árin í náminu.
Fullt nám er 1 klukkustund á viku og eru byrjendur 2var sinnum í viku í 30 mínútur í senn. Markmið kennslunnar er að nemendur nái færni á hljóðfærið sem nýtist þeim til þátttöku í sem fjölbreyttastri tónlistariðkun.
Stengjahljóðfæri:
Kennt er á fiðlu og kontrabassa. Í tengslum við strengjadeildina eru starfandi yngri og eldri sveitir sem vinna mest með þjóðlagatónlist.
Slagverk:
Kennt er á trommusett og nemendum kynnt ýmis önnur ásláttarhljóðfæri.
Leitast er við að nemendur nái tökum á undirstöðuatriðum trommuleiks, auk samhæfingar handa og fóta. Færni í þessu tvennu er síðan hagnýtt til að fást við ýmsa tónlistarstíla s.s. jass, fönk, reggae, og nokkrar tegundir suðuramerískrar tónlistar. Nótnalestrarþjálfun býr nemendur undir þátttöku í samspili, jafnt lúðrasveitum sem hljómsveitum af öðrum toga.
Lögð er áhersla á tengsl námsins við sögulegar rætur trommusettsins, auk þess sem nemendur fá að kynnast framandi slagverkshljóðfærum á borð við tabla, udu, djembe og hljóðfæri Mið og Suður-Ameríku. Fjallað er sögulega um helstu strauma vestrænnar alþýðutónlistar síðustu aldar og afrek færustu trommara, jafnt í nútíð sem fortíð, dregin fram.
Söngdeild:
Allmennt kenndur klassískur söngur en einnig er nú kenndur rythmiskur söngur.
Forskóli:
Undirbúningsdeild fyrir frekara tónlistarnám ætluð nemendum úr 1. og 2. bekk grunnskólans.
Sérdeild:
Kennsla einstaklinga með sérþarfir. Tónleikur.
Tónfræði,tónmenntadeild:
Kennt er samkvæmt aðalnámskrá tónlistarskólanna.