Innritunarreglur fyrir Tónlistarskólann á Akranesi

1.       Nemendur sem stunda nám við Tónlistarskólann á Akranesi fá í byrjun apríl ár hvert  bréf frá skólanum þar sem þeim er boðið að endurnýja námsdvöl við skólann. Nemendur skulu staðfesta umsókn um skólavist næsta ár fyrir 10. maí.

2.       Í byrjun maí skal auglýsa eftir nýjum umsóknum um skólavist og á sama tíma á endurnýjun á umsóknum þeirra sem eru skráðir á biðlista eftir námi við skólann að eiga sér stað.

3.       Umsókn um nám í skólanum gildir eingöngu eitt skólaár og þarf að endurnýja árlega.

4.       Við endurnýjun á umsókn skapast forgangur miðað við þá sem eru að sækja um nám í fyrsta sinn.

5.       Við innritun í skólann geta stjórnendur í undantekningartilvikum vikið frá þessum reglum ef gildar ástæður eru til.

6.       Ef umsækjendur eru óánægðir með afgreiðslu umsóknar geta þeir óskað eftir umfjöllun skólanefndar Tónlistarskólans á Akranesi.